Sirach 49
aligned by seat — same row, same verse, whatever each bible numbers it
| v | Geez |
|---|---|
| 1 | ዝክሩ፡ ለኢዮስያስ፡ ሠናይ፡ ዝክረ፡ ጥበብ፡ ከመ፡ ዕፍረት፡ ዘቅድው፡ መዐዛሁ፡ ወጥዑም፡ ከመ፡ መዓር፡ ውስተ፡ ኵሉ፡ አፍ፡ ወከመ፡ ማሕሌት፡ ውስተ፡ ስታይ። |
| 1a | — |
| 2 | ወውእቱ፡ ረትዐ፡ ወሜጦሙ፡ ለሕዝብ፡ ወአእተተ፡ ኵሎ፡ ኀጢአተ፡ ርኵስ። |
| 3 | ወአርትዐ፡ ልቦ፡ ኀበ፡ እግዚአብሔር፡ ወበመዋዕለ፡ ኀጥኣን፡ አጽንዓ፡ ለጽድቅ። |
| 4 | ዳዊት፡ ዳእሙ፡ ወሕዝቅያስ፡ ወኢዮስያስ፡ ወኵሎሙ፡ እልክቱሰ፡ አበሱ፡ ወጌገዩ፡ ወኀደጉ፡ ሕጎ፡ ለልዑል፡ ወኀልቁ፡ ነገሥተ፡ ይሁዳ። |
| 4a | — |
| 5 | እስመ፡ አግብኡ፡ ቀርኖሙ፡ ለባዕድ፡ ወክብሮሙኒ፡ ለካልእ፡ ሕዝብ። |
| 6 | ወአውዐይዋ፡ ለሀገር፡ ኅሪት፡ ወቅድስት፡ ወአጥፍኡ፡ ፍናዊሃ፡ በእደ፡ ኤርምያስ። |
| 7 | እስመ፡ ሣቀይዎ፡ ወውእቱሰ፡ እምከርሠ፡ እሙ፡ ተቀደሰ፡ ይኩን፡ ነቢየ፡ ከመ፡ ይሠሩ፡ ወከመ፡ ያጥፍእ፡ ወከማሁ፡ ከመ፡ ይትክል፡ ወከመ፡ ይሕንጽ። |
| 8 | ወሕዝቅኤልኒ፡ ዘርእየ፡ ርእየተ፡ ስብሐቲሁ፡ ወርእዩ፡ ላእለ፡ ሠረገላ፡ ዘኪሩቤል። |
| 9 | ወዘከሮሙ፡ በመዐት፡ ለፀር፡ ወበሠናይ፡ አርትዐ፡ ፍናዎሙ፡ ለጻድቃን። |
| 10 | ወሠረጸ፡ አዕጽምቲሆሙ፡ ለዐሠርቱ፡ ወክልኤቱ፡ ነቢያት፡ በመካኖሙ። ወአስተፍሥሖ፡ ለያዕቆብ፡ ወቤዘዎሙ፡ በሃይማኖተ፡ ተስፋሆሙ። |
| 11 | እፎኑ፡ እንጋ፡ ናዐብዮ፡ ለዘሩባቤል፡ ወውእቱሰ፡ ከመ፡ ኅልቀተ፡ ማዕተብ፡ ውስተ፡ ዕደ፡ የማን። |
| 12 | ወኢዮሴዕኒ፡ ወልደ፡ ዮሴዴቅ፡ እለ፡ ሐነጹ፡ ቤተ፡ በመዋዕሊሆሙ፡ ወአዕበይዎ፡ [ለሕዝብ፡]እግዚአብሔር፡ ዘድልው፡ ለክብር፡ ዘለዓለም። |
| 13 | ወለነሐምያን፡ ብዙኅ፡ ዝክሩ፡ [ዘ]አንሥአ፡ ለነ፡ አረፍተ፡ ውድቅተ፡ ወአቀመ፡ ኆኅተ፡ ወገብረ፡ መናሥግተ፡ ወሐነጸ፡ ለነ፡ አብያቲነ። |
| 14 | ወአልቦ፡ ዘተፈጥረ፡ ውስተ፡ ምድር፡ ዘከመ፡ ሄኖክ፡ ወሎቱኒ፡ ነሥእዎ፡ እምነ፡ ብሔር። |
| 15 | ወኢተወልደ፡ ሰብእ፡ ዘከመ፡ ዮሴፍ፡ መልአከ፡ ኮነ፡ ለአኀዊሁ፡ ወኀይለ፡ ኮነ፡ ለሕዝቡ፡ ወሣህለ፡ ረከበ፡ ለአዕፅምቲሁ። |
| 15a | — |
| 16 | ሴም፡ ወሴት፡ ከብሩ፡ እምእጓለ፡ እመሕያው፡ ወአዳምኒ፡ እምኵሉ፡ ሕያው፡ ዘተፈጥረ። |
| 17 | — |
| 18 | — |
| 19 | — |