Sirach 46
aligned by seat — same row, same verse, whatever each bible numbers it
| v | Geez |
|---|---|
| 1 | ጽነዕ፡ ውእቱ፡ በውስተ፡ ቀትል፡ ኢያሱ፡ ወለደ፡ ነዌ፡ ወተለዎ፡ እምነ፡ ሙሴ፡ ተነብዮት፡ ወኮነ፡ በከመ፡ ስሙ፡ ዐቢየ፡ ወአድኀኖሙ፡ ለኅሩያኒሁ፡ ወተበቀለ፡ ፀሮሙ፡ ከመ፡ ያውርሶሙ፡ ለእስራኤል፡ ምድሮሙ። |
| 2 | ወተሰብሐ፡ ሶበ፡ አንሥአ፡ እዴሁ፡ ወሶበ፡ ቈልቈለ፡ ኲናተ፡ ላዕለ፡ አህጉሪሆሙ። |
| 3 | መኑ፡ እምቅድሜሁ፡ ዘኮነ፡ ከማሁ፡ ወለሊሁ፡ እግዚአብሔር፡ ጸብአ፡ ሎሙ፡ ፀሮሙ። |
| 4 | አኮኑ፡ በእዴሁ፡ ቆመት፡ ፀሓይ፡ ወአሐቲ፡ ዕለት፡ ሰኑየ፡ መዋዕለ፡ ኮነት። |
| 5 | ወጸውዖ፡ ለልዑል፡ ወኀያል፡ ሶበ፡ አመንደብዎ፡ ፀሩ፡ እምዐውዱ፤ወ[አውሥኦ]፡ እግዚአብሔር፡ ዐቢይ፡ በእብነ፡ በረድ፡ ወበኀይል፡ ጽኑዕ። |
| 5a | — |
| 6 | ወአዝነመ፡ ላዕለ፡ ሕዝብ፡ እለ፡ ጸብእዎሙ፡ በውስተ፡ ጸድፍ፡ አጥፍኦሙ፡ ለእለ፡ ተቃተልዎሙ፡ ከመ፡ ያእምሩ፡ ሕዝብ፡ ኀይሎ፡ እስመ፡ እግዚአብሔር፡ ውእቱ፡ ዘይጸብኦሙ፡ ወአትለወ፡ ምስሌሆሙ፡ ኀይሎ። |
| 7 | ወበመዋዕለ፡ ሙሴኒ፡ ገብረ፡ ሣህሎ፡ ምስሌሆሙ፡ ውእቱ፡ ወካሌብ፡ ወልደ፡ ዮፎኒ፡ ወተቃወሙ፡ ቅድመ፡ ፀር፡ ወከልእዎሙ፡ ለሕዝብ፡ ጌጋየ፡ ወአኅደግዎሙ፡ እኩየ፡ ነጐርጓረ። |
| 8 | ወእሙንቱ፡ ዳእሙ፡ ክልኤሆሙ፡ እለ፡ ድኅኑ፡ እምነ፡ ስሳ፡ እልፍ፡ አጋራን፡ ወቦኡ፡ ምድረ፡ እንተ፡ ትውሕዝ፡ ሐሊበ፡ ወመዓረ። |
| 9 | ወወሀቦ፡ እግዚአብሔር፡ ኀይለ፡ ለካሌብ፡ ወነበረ፡ ምስሌሁ፡ እስከ፡ አመ፡ ይልህቅ፡ ወአዕረጎ፡ ውስተ፡ መልዕልተ፡ ምድር፡ ወውሉዱ፡ ተካፈሉ፡ ርስቶሙ። |
| 10 | ከመ፡ ይርአዮ፡ ኵሎሙ፡ ደቂቀ፡ እስራኤል፡ ከመ፡ ሠናይ፡ ተሊዎቱ፡ ለእግዚአብሔር። |
| 11 | ወመኳንንቲሆሙኒ፡ ኵሎሙ፡ በበአስማቲሆሙ፡ ወኵሎሙ፡ እለ፡ ኢዘመዎ፡ ልቦሙ፡ ወኵሎሙ፡ እለ፡ ኢኀደግዎ፡ ለእግዚአብሔር፡ ቡሩክ፡ ለይኩን፡ ዝክሮሙ። |
| 11a | — |
| 12 | ወይትፈሣሕ፡ አዕጽምቲሆሙ፡ በኀበ፡ ሀለዉ፡ ወይትባረኩ፡ ውሉዶሙ፡ ወይክበሩ። |
| 13 | ሳሙኤልኒ፡ ፍቁር፡ ውእቱ፡ በኀበ፡ እግዚአብሔር፡ ወነቢይ፡ ውእቱ፡ በኀበ፡ እግዚአብሔር፡ ወያነግሥ፡ ንጉሠ፡ ወይቀብእ፡ ንጉሠ፡ ለሕዝቡ። |
| 14 | ወበሕገ፡ እግዚአብሔር፡[ኰነነ፡]፡ ትእይንተ፡ ወተሣሀሎ፡ እግዚአብሔር፡ ለያዕቆብ። |
| 15 | ወበሃይማኖቱ፡ ጸንዐ፡ ተነብዮ፡ ነቢይ፡ ወአስተርአየ፡ በቃሉ፡ ራእየ፡ ምእመን። |
| 16 | ወጸውዖ፡ ለእግዚአብሔር፡ ኀያል፡ ሶበ፡ አመንደብዎ፡ ፀሩ፡ ወዐገትዎ፡ በመሥዋዕተ፡ ማሕስዐ፡ በግዕ። |
| 17 | ወአንጐድጐደ፡ እግዚአብሔር፡ በሰማይ፡ ወበዐቢይ፡ ፀዓዕ፡ ገብረ፡ ድምፀ፡ ቃሉ። |
| 18 | ወቀጥቀጦሙ፡ ለነገሥተ፡ ጢሮስ፡ ወለኵሎሙ፡ ነገሥተ፡ ፍልስጥኤም። |
| 19 | ወእንበለ፡ ይብጻሕ፡ ዕለተ፡ ሞቱ፡ አስምዖ፡ ለእግዚአብሔር፡ ወለመሲሑ፡ እምንዋዮሙ፡ እስከ፡ አሣእኒሆሙ፡ ከመ፡ ኢይነሥአ፡ እምኔሆሙ፡ እምኵሎሙ፡ ወአልቦ፡ እምውስቴቶሙ፡ ዘግእዞ። |
| 20 | ወተነበየ፡ እምድኅረ፡ ሞተ፡ ወነገረ፡ ሞቶ፡ ለንጉሥ፡ ወአ[ን]ሥአ፡ ቃሎ፡ እምውስተ፡ ምድር፡ ወበተነብዮቱ፡ አደምሰሰ፡ ጌጋዮሙ፡ ለሕዝብ። |
| 21 | — |
| 22 | — |
| 23 | — |