Job 20

aligned by seat — same row, same verse, whatever each bible numbers it

← 19 21 →
vGeez
1 ወእደ፡ ተናገረ፡ ሳፍር፡ አሜናዊ፡ ተሠጥወ።
2 ወይቤ፡ ኢሐዘብኩከ፡ ትንብብ፡ ዘከመዝ፡ ወአልቦ፡ ዘትኄይስ፡ እምኔየ፡ አእምሮ።
3 ስምዓኒ፡ እንግርከ፡ ጥበበ፡ ትምህርትየ፡ ወጣወሥአኒ፡ መንፈሰ፡ ሕሊናየ።
4 ቦኑ፡ ዘተአምር፡ ዘከመዝ፡ እምቅድሜሁ፡ ወእምእሜከ፡ ወእምድኅሬከ፡ ወእምእመ፡ ተፈጥረ፡ ዓለም።
5 ፍሥሓሆሙ፡ ለኃጥአን፡ ቀትል፡ ዓቢይ፡ ወኃሤቶሙ፡ ለረሲዓን፡ ኅጕል።
6 ወአመ፡ ይቤ፡ ወዳእኩ፡ ጻናዕኩ፡ እሜሃ፡ ይትሐጐል፡ ለዝሉፉ፡ ወይብሉ፡ እለ፡ የአምርዎ፡ አይቴ፡ ሀሎ።
7 እመኒ፡ ዓርገ፡ ሰማየ፡ ቊርባኑ፡ ወበጽሐ፡ እስከ፡ ደመና፡ መሥዋዕቱ።
8 ወሠረረ፡ ከመ፡ ሐልዎ፡ ወኢትረከብ፡ ወያስተርኢ፡ ከመ፡ ሕልመ፡ ሌሊተ፡ ዘኢይትዓወቅ፡ ወይመስል፡ ጽባሐ።
9 ወርእዮቶ፡ ዓይን፡ ኢትጸግብ፡ እንከ፡ ወዚየአምር፡ እንከ፡ መካኖ።
10 ወታጠፍእዎሙ፡ ለውሉዱ፡ ትሑታን፡ ወእደዊሁኒ፡ እሳተ፡ ይነፍሓ።
11 ወይመልእ፡ ፃዕር፡ ውስተ፡ አዕፅምቲሁ፡ ወጥሰክብ፡ ሕማሙ፡ ውስተ፡ መሬት።
12 እስመ፡ ጥዕመቶ፡ አኪት፡ ውስተ፡ አፍሁ፡ ወየኃብኣ፡ ታሕተ፡ ልሳኑ።
13 ወሊሳዩ፡ ውስተ፡ ከርሡ፡ ትትገፈታዕ፡ ወያስተጋብእ፡ ማዕከለ፡ ጕርዔሁ።
14 ወኢትክል፡ ትርድኦ፡ ወሕምዘ፡ አርዌ፡ ምድር፡ ታሕተ፡ ከናፍሪሁ።
15 ብዕል፡ ዘይዘገብ፡ በዓመፃ፡ ይደመሰስ፡ ወያቴክሎ፡ መልአክ፡ ሞት፡ እምቤቱ።
16 ወጠወሥኦ፡ ኅምዘ፡ አርዌ፡ ምድር፡ ወይቀትሎ፡ ልሳነ፡ አፍዖት።
17 ወኢይሬኢ፡ እጕለ፡ መራዕይሁ፡ ወኢይውኅዝ፡ መዓር፡ ወቅብዕ፡ ወኢይፀምድ፡ ምዕረ፡ ወካዕበ።
18 በከንቱ፡ ወበበክ፡ ሠርኀ፡ ብዕሎ፡ ዘኢይጥዕም፡ እምኔሁ፡ ከመ፡ ጽኑዕ፡ ዘኢይትሔየከ፡ ወኢይትወሐጥ።
19 እስመ፡ አንሐለ፡ አብያተ፡ ድኩማን፡ ብዙኀ፡ ወበርበረ፡ ማኅፈደ፡ ወኢያግብኦ።
20 ወአልቦ፡ ዘይሣሃሎ፡ እምንዋዩ፡ ወኢያደምዕ፡ ፍትወቶ።
21 ወአልቦ፡ ተረፍ፡ ለብዕሉ፡ ወበእንተዝ፡ ኢትሠምር፡ ሠናይቱ።
22 አመ፡ ይቤ፡ ሠለጥኩ፡ አሜሃ፡ ይትመነደብ፡ ወይመጽኦ፡ ኵሉ፡ ሕማም፡ ዘያጸግባ፡ ለከርሡ።
23 ወይትዌሰክ፡ መቅሠፍተ፡ መዓቱ፡ ወጥተግህ፡ ላዕሌሁ፡ ዘያሐምሞ።
24 ወኢያመስጥ፡ እምእደ፡ ኲናት፡ ወይበረብሮ፡ ቀስተ፡ ብርት።
25 ወየኃልፍ፡ ሐፅ፡ ውስተ፡ ሥጋሁ፡ ወያንሶሱ፡ እኩይ፡ ውስተ፡ ነፍስቱ፡ ወላዕሌሁ፡ ዘያደነግዖ።
26 ወይጸንሖ፡ ኵሉ፡ ጽልመት፡ ወይበልዖ፡ እሳት፡ ዘእንደደ፡ ወይትጋየዖ፡ ጎረ፡ ቤቱ።
27 ወከሠተ፡ ሰማይ፡ ጌጋዮ፡ ወምድርኒ፡ ኢትነሥኦ።
28 ወሞት፡ ይስሕባ፡ ለቤቱ፡ ለዝሉፉ፡ ወትመጽኦ፡ ዕለተ፡ መንሱት።
29 ዝውእቱ፡ መክፈልቱ፡ ለብእሲ፡ ኃጥእ፡ እምኀበ፡ እግዚአብሔር፡ ወንዋዩሂ፡ ዘአጥረየ፡ እምኀበ፡ ፈጣሪሁ።