1 ወነዳያንሰ፡ ካዕበ፡ ይሔልዩ፡ ውስተ፡ ምስካቦሙ፡ ወለእመ፡ ኢተወክፍዎሙ፡ አብዕልት፡ ይከውኑ፡ ከመ፡ ዕፅ፡ ይቡስ፡ ዘአልቦ፡ ርጥበት፡ ወሀበ፡ አልቦ፡ ርጥበት፡ ኢይሠርፅ፡ ሥርው፡ ወሶበ፡ አልቦ፡ ሥርው፡ ኢይሠርፅ፡ ቍፅል።
2 ወለእመ፡ ኢሠረፀ፡ ቍፅል፡ ኢይገብር፡ ፍሬ፡ እስመ፡ ቍፅል፡ ይትቀነይ፡ ለሠርጐ፡ ፍሬ፡ ወዘአልቦ፡ ፍሬ፡ አልቦ፡ ምግባረ፡ ሠናይ፡ እስመ፡ ርእሱ፡ ለብእሲ፡ ፍሬ፡ ጽድቅ።
3 ወለእመ፡ ገብረ፡ ጽድቀ፡ ፈረየ፡ ርትዓ፡ ወይትፌሣሕ፡ እግዚአብሔር፡ በብእሲ፡ ዘይገብር፡ ጽድቀ፡ ወርትዓ።
4 ወይሁቦ፡ ጸሎቶ፡ ለዘጸለየ፡ ወፃማ፡ ከናፍሪሁ፡ ወኢይገፍዖ፡ ለጻድቅ፡ በእንተ፡ ጽድቁ፡ ዘገብረ።
5 ወዘያጸድቆ፡ ለኃጥዕ፡ ዘእንበለ፡ ንስሐ፡ በእንተ፡ እከየ፡ ምግባሩ፡ ዘገብረ፡ እስመ፡ ጻድቅ፡ እግዚአብሔር፡ ወጽድቅ፡ አፍቀረ፡ ወኢያደሉ፡ ለገጸ፡ ባዕለ፡ ወኢለነዳይ፡ በውስተ፡ ፍትሕ፡ እስመ፡ መላኪ፡ ሰማይ፡ ወምድር፡ ውእቱ፡ ወነፍሰ፡ ኵሉ፡ ውስተ፡ እዴሁ።