Hover a verse for quick parallels · click it for the full panel across Bibles & notes.
1 ወእምድኅረ፡ ዝ፡ ነስሐ፡ ርእሰ፡ መዋዕል፡ ወይቤ፡ በከ፡ አህጐልክዎሙ፡ ለኵሎሙ፡ እለ፡ ይነብሩ፡ ውስተ፡ የብስ።
2 ወመሐለ፡ በስሙ፡ ዐቢይ፡ ከመ፡ እምይእዜ፡ ኢይገብር፡ ከመ፡ ዝ፡ ለኵሎሙ፡ እለ፡ ይነብሩ፡ ዲበ፡ የብስ፡ ወትእምርተ፡ እወዲ፡ በሰማይ፡ ወይከውን፡ ማእከሌየ፡ ወማእከሌሆሙ፡ ሃይማኖተ፡ እስከ፡ ለዓለም፡ መጠነ፡ መዋዕለ፡ ሰማይ፡ ዲበ፡ ምድር።
3 ወእም፡ ዝ፡ በትእዛዝየ፡ ውእቱ፡ ሶበ፡ ፈቀድኩ፡ ከመ፡ ኣጽንዖሙ፡ በእደ፡ መላእክት፡ በዕለተ፡ ምንዳቤ፡ ወሕማም፡ ቅድመ፡ ዝ፡ መዐትየ፡ ወመቅሠፍትየ፡ የኀድር፡ ላዕሌሆሙ፡ ይቤ፡ እግዚአብሔር፡ እግዚአ፡ መናፍስት።
4 ነገሥት፡ ኀያላን፡ እለ፡ ተኀድሩ፡ ዲበ፡ የብስ፡ ሀለወክሙ፡ ትርአይዎ፡ ለኅሩየ፡ ዚኣየ፡ አመ፡ ይነብር፡ በመንበረ፡ ስብሐቲሁ፡ ወይኴንኖ፡ ለአዛዝኤል፡ ወለኵሎሙ፡ ማኅበረ፡ ዚኣሁ፡ ወለኵሎሙ፡ ትዕይንተ፡ ዚኣሁ፡ በስሙ፡ ለእግዚአ፡ መናፍስት።