1 ወእምህየ፡ ሖርኩ፡ ማእከለ፡ ምድር፡ ወርኢኩ፡ መካነ፡ ቡሩክ፡ ወጥሉለ፡ ዘቦቱ፡ አዕጹቅ፡ ዘይነብር፡ ወይሠርጽ፡ እምዕፅ፡ ዘተመትረ።
2 ወበህየ፡ ርኢኩ፡ ደብረ፡ ቅዱሰ፡ ወመትሕተ፡ ደብር፡ ማይ፡ ዘመንገለ፡ ጽባሑ፡ ወውሕዘቱ፡ መንገለ፡ ሰሜን።
3 ወርኢኩ፡ መንገለ፡ ጽባሕ፡ ካልአ፡ ደብረ፡ ዘይነውኅ፡ እም፡ ዝ፡ ወማእከሎሙ፡ ቈላ፡ ዕሙቅ፡ ወአልቦ፡ ራሕብ፡ ወላቲኒ፡ የሐውር፡ ማይ፡ መንገለ፡ ደብር።
4 ወመንገለ፡ ዐረቡ፡ ለዝ፡ ካልእ፡ ደብር፡ ወይቴሐቶ፡ ሎቱ፡ ወአልቦ፡ ኑኅ፡ ወቈላ፡ ታሕቱ፡ ማእከሎሙ፡ ወካልኣት፡ ቈላት፡ ዕሙቃት፡ ወይቡሳት፡ መንገለ፡ ጽንፈ፡ ሠለስቲሆሙ።
5 ወኵሉ፡ ቈላቱ፡ ዕሙቃት፡ ወአልቦን፡ ራሕብ፡ እምኰኵሕ፡ ጽኑዕ፡ ወዕፅ፡ ይተከል፡ በላዕሌሆን።
6 ወአንከርኩ፡ በእንተ፡ ኰኵሕ፡ ወአንከርኩ፡ በእንተ፡ ቈላት፡ ወጥቀ፡ አንከርኩ።